Ofursprettþraut 3N 2024 - Allir flokkar/ liðakeppni

Mótsstjóri: umfn3nmot@gmail.com

- ALMENNUR FLOKKUR
Almennur flokkur er hugsaður fyrir öll þau sem eru skráð í þríþrautfélög og gefur stig í bikarkeppni félaga og einstaklinga.
Einnig er í boði ungmenna- og opinn flokkur sem og liðakeppni. 

Skráning fer fram hér: 

https://netskraning.is/ofursprettthraut-3n/

Keppt er eftir reglum Þríþrautarsambands Íslands. 
Sjá reglur hér

Ofursprettþraut
– Sund 400 metrar
– Hjól 10 km
– Hlaup 2,5 km

Keppnisgjald verður 5000 kr

Sundið
Sundið fer fram í Vatnaveröld í Reykjanesbæ í 50 metra laug. Eftir sundið er hlaupið niður tröppur og út úr sundlaugarhúsinu að austanverðu þar sem komið er út á skiptisvæðið.

Hjólið
Hjólaleiðin er 2,5 km hringur sem leiðir þátttakendur framhjá Vatnaveröld í hverjum hring. Farið er út frá skiptisvæði beygt til vinstri upp Skólaveg, beygt til vinstri á hringrorgi inn á Flugvallarveg og aftur vinstri á hringtorgi inn á Hringbraut síðan vinstri á ljósum inn á Skólaveg. Að lokum er beygt inn að Vatnaveröld (Sunnubraut) og farið inn á sama skiptisvæðið aftur.
Hjólaleiðin er nokkuð greið og ætti að vera hægt að ná góðum hraða á leiðinni. Ljúka þarf fjórum hringjum áður en snúið er inn á skiptisvæði.

Hlaupið
Í sprettþrautinni er hlaupið sömu leið og á hjólinu. Um er að ræða 2,5 km hring eins og lýst er hér að ofan. Endað er við Vatnaveröld.

Skiptisvæði
Skiptisvæði verður á bílastæðinu austan við Vatnaveröld. Gæsla verður á svæðinu á keppnistímanum. Svæðið mun þjóna sem skiptisvæði fyrir T1 og T2 (skipting á milli sunds og hjóls er T1 og skipting á milli hjóls og hlaups kallast T2). Hjólarekkar verða á skiptisvæðinu. Þátttakendur er beðnir um að ganga snyrtilega um skiptisvæðið og hafa ekki óþarfa dót inni á svæðinu sem gæti flækst fyrir öðrum í hasarnum.

Tímataka
Notast verður við tímatökukerfi með flögum. Flögur verða afhentar á staðnum með keppnisgögnum. Gæta þarf að flaga og keppnisnúmer sé á sínum stað. Engin flaga, enginn tími. 

Dagskrá
Sprettþrautin verður ræst kl. 9:00.
Hjólaskoðun fer fram milli 7:30 til 8:00.
Fundur með keppendum kl. 8:00
Sundlaug opnar kl 08:40
Keppni hefst kl 9:00